Nizom va qoidalar

1

Rahbar topshirig'ini bajarmaslik

Har bir xodim orgstrukturada belgilangan rahbarga bo'ysinadi. Rahbar tomonidan berilgan topshiriq o'z vaqtida bajarilishi shart. Aks holda jarima belgilanadi.

50 000 so'm

-5 ball

2

Odob-axloq qoidalaridan chiqish

Korxona rahbariyati xodimlar bilan va xodimlar ham o'zaro muloqot qilishganda, odob-ahloq qoidalaridan chiqmagan holda madaniyat bilan muomalada bo'lishlari shart. Laqab qo'yish, haqorat qilish, ustidan kulish, so'kinib gapirish mumkin emas.

50 000 so'm

-5 ball

3

Mijoz bilan tortishish/hurmatsizlik

Xodimlar mijozlar bilan muomalada (telefonda, telegramda yoki yuzma-yuz) tortishish, mijoz fikrini hurmat qilmaslik, mijozning ustidan kulish va laqab qo'yish qat'iyan taqiqlanadi.

50 000 so'm

-7 ball

4

Ishga kechikish

Har bir xodim bo'lim boshlig'i tomonidan belgilangan ish vaqtidan kechikmay ishga kelishlari shart. Kech qolganlik uchun jarima belgilanadi.

30 000 so'm

-5 ball

5

Mijoz oldida xodimlar orasidagi tortishuv

Xodimlarning mijozlar oldida o'zaro tortishuvi, bir-biriga haqoratomuz so'zlarni ishlatishi, bir-birining sha'nini yerga urishi yoki o'zaro keraksiz gaplarni so'zlashishlari mumkin emas.

50 000 so'm

-20 ball

6

Mast holda kelish / ichimlik iste'moli

Ishxonaga mast holda kelish va yotoqxonada spirtli ichimliklar iste'mol qilish qat'iyan taqiqlanadi.

Ishdan haydaladi

-100 ball

7

O'g'irlik / ruxsatsiz moliyaviy harakat

Xodimlar korxonada o'g'irlik sodir etishi yoki o'zboshimchalik bilan moliyaviy harakat, ya'ni biror narsani sotish, begonaga foydalanishga berish, ijaraga topshirishi qat'iyan taqiqlanadi.

Ishdan haydaladi

-100 ball

8

Ishqiy munosabat/janjal

Korxonada ishqiy uchrashuv, telefonda ishqiy suhbat va ishqiy janjallar taqiqlanadi. 1-marta qattiq ogohlantirish beriladi, 2-martasida ishdan haydaladi.

100 000 so'm

-25 ball

9

Ish vaqtida telefon o'yini / uzoq gaplashish

Ish vaqtida ishchi va xodimlar telefon o'yinlarini o'ynashi hamda telefonda uzoq vaqt suhbatlashishlari taqiqlanadi.

20 000 so'm

-5 ball

10

Ruxsatsiz sababsiz kelmaslik

Har bir xodim javob so'rashi uchun bir kun avval o'z bo'lim boshlig'idan javob so'rashi va ishxona guruhiga videomurojaat qilishi shart. Aks holda ishga sababsiz kelmagan hisoblanib, jarima solinadi.

50 000 so'm

-5 ball

11

Ogohlantirmasdan ishdan ketish

Xodim ishdan ketishidan 1 oy oldin o'z bo'lim boshlig'ini xabardor qilishi va o'z o'rniga shogird tayyorlashi shart. Aks holda jarima qo'llaniladi.

1 000 000 so'm

-100 ball

12

Dam olish/bayram grafigiga rioya qilmaslik

Xodimlar bo'lim boshliqlari tomonidan ishlab chiqilgan dam olish kunlari, bayram kunlari grafikiga amal qilishlari shart.

50 000 so'm

-2 ball

13

Shanbalik/yig'ilishga sababsiz kelmaslik yoki kechikish

Korxonada barcha xodimlar shanbalikka, yig'ilishlarga qatnashishlari shart. Sababsiz qatnashmasa – 50 000 so'm (-5 ball), kechiksa – 20 000 so'm (-2 ball). (Sababli holatlar: to'y, oilaviy tadbirlar, janoza)

50 000 so'm

-5 ball

14

Ish joyida ovqatlanish

Ofisda, ish joyida ovqatlanish mumkin emas. Bu mijozlar oldida noqulayliklar tug'diradi.

50 000 so'm

-3 ball

15

Kompyuterda ishga aloqasiz/noqonuniy kontent

Korxonaga tegishli kompyuterlarda korxona faoliyatiga tegishli bo'lmagan ma'lumotlar, turli kinofilmlar, noqonuniy ma'lumotlar, behayo suratlar, etnik/diniy adovatni targ'ib etuvchi materiallarni tayyorlash, saqlash, tarqatish qat'iyan taqiqlanadi.

50 000 so'm

-2 ball

16

Telegram guruhga begona qo'shish / ishga oid bo'lmagan kontent

Korxonaning Telegram guruhiga begona shaxslarni qo'shish, ishga oid bo'lmagan video, rasm va ma'lumotlarni yuklash taqiqlanadi.

20 000 so'm

-5 ball

17

Ketishda xonani nazorat qilmaslik

Ofisdan yoki ish joyidan oxirgi chiqayotgan xodim har bir xonani nazoratdan o'tkazishi shart. Texnik vositalarning o'chirilganligi, yong'in xavfsizligiga amal qilinganligini ko'zdan kechirishi talab qilinadi. Aks holda jarima xodimga va bo'lim boshlig'iga yoziladi.

50 000 so'm

-5 ball

18

Mijoz buyurtmasini sifatsiz/kechiktirib bajarish

Xodim mijozlarga xizmat ko'rsatish jarayoniga mas'uliyat bilan yondoshishi, mijozning buyurtmasini xatosiz va o'z muddatida bajarib berishi shart.

50 000 so'm

-10 ball

19

Yangi xodimga ustozlik qilmaslik

Korxonaga yangi ishga kelgan xodimni korxonaga moslashishi uchun belgilangan ustoz javobgar. Barcha xodimlar yangi xodim bilan do'stona munosabatda bo'lishi shart.

Vijdon

-5 ball

20

Korxona sirini oshkor qilish

Har bir xodim korxona sirlarini saqlashga majbur. Korxona ichidagi nizolarni korxonadan tashqarida (mijozlar, oila, qarindosh, do'stlar va hokazo) muhokama etilishi taqiqlanadi.

100 000 so'm

-20 ball

21

Uskuna/asbobga beparvolik

Korxonada barcha xodimlar o'zlariga biriktirilgan stanok, orgtexnika va asbob-uskunalarni asrashi va avaylashi shart. E'tiborsizlik bilan ishdan chiqarsa javobgar hisoblanadi.

50 000 so'm

-10 ball

22

Orgstrukturadan tashqari topshiriq berish/olish

Har bir xodim korxonaning orgstrukturasiga amal qilishi shart. Xodim topshiriqni faqat o'zining bevosita rahbaridan oladi va hisobot topshiradi. Yuqori rahbar ham boshqa bo'lim yoki xodimga to'g'ridan-to'g'ri topshiriq bermaydi (faqat uning bevosita rahbari orqali beradi).

50 000 so'm

-5 ball

101

Ishxonani tozalash / yuk tashish

Ishlab chiqarish sexida yuk tashigani uchun, stanoklarni va ish joyini tozalab qo'ygani uchun bonus beriladi.

+1 ball

102

Yangi xodim tavsiya qilish

Korxonaga kerakli, qadriyatlariga mos va yaxshi xodimni tavsiya qilib, ishga olingani uchun bir martalik (har bir ishga olingan xodim uchun) bonus beriladi.

100 000 so'm

+10 ball

103

Umumiy e'tirof (yaxshi ish, rahmat)

Xodimga ishi/xulqi uchun umumiy tarzda e'tirof/rahmat bildirilganda (aniq boshqa maxsus toifaga to'g'ri kelmasa) bazaviy ball qo'shiladi. Eng ko'p e'tirof olgan xodimlarga qo'shimcha ravishda rahbar tomonidan oilaviy restoran vaucher (300 000 so'm) beriladi.

+2 ball

104

Korxonaga moddiy naf keltirish

Yil davomida korxonaga moddiy naf keltirgan xodimga rahbar tomonidan shaxsiy bonus beriladi.

+10 ball

105

Yangilik / g'oya taklifi

Korxona rivojiga hissa qo'shadigan yangilik yoki g'oya taklif bergani uchun bir martalik bonus beriladi.

200 000 so'm

+20 ball

106

Shogird tayyorlash (ustozlik)

Intizomli, o'z ishining mutaxassisi qilib shogird tayyorlagan ustozga bonus beriladi.

250 000 so'm

+10 ball

107

Sifatli dars/trening o'tish

Xodimlarga kerakli, tushunarli va qiziqarli dars o'tib bergani, natijada korxonada o'sish kuzatilgani uchun dars o'tgan xodimga bonus beriladi.

+10 ball

108

Treningni amaliyotga tatbiq qilish

Tashqi treninglarga borib kelgandan keyin o'rgangan narsalarini ishga faol tadbiq qilgan xodimga bonus beriladi.

+10 ball